A Clásica

Danza e Clásica |Orquesta Clásica de Vigo

Danza e Clásica | Orquesta Clásica de Vigo

A música e a danza son dúas linguaxes que non precisan mediar palabra para transmitir e comunicar, empregando o corpo, o son ou o espazo para ese fin.

Neste concerto procuramos resaltar o contraste entre ambas linguaxes empregando estilos moi distintos que conviven no mesmo programa. Nel traballaremos cunha selección de música renacentista con obras de autores como Giovanni Gabrieli, Tiburtio Massaino, Tylman Susato, Giovanni Gastoldi ou Samuel Scheidt, interpretadas pola sección de vento metal da Orquesta Clásica de Vigo.
Por outra banda contaremos con Clara Ferrao, quen traballará o espazo escénico grazas á danza contemporánea, que mostra o movemento e a relación do corpo e o seu medio, e empregando a música como punto de partida para realizar un discurso autónomo. Unha relación xuxtaposta, polo que veremos dúas liñas discursivas que se mesturan, se coordinan e difiren baixo o mesmo proxecto.

Trátase, en resumo, dun proxecto no que se busca crear dúas liñas que convivan de forma autónoma, que sirvan de soporte, punto de partida e final, resaltando contrastes, diferenzas e xerando novas relacións no camiño.

Programa

La Mourisque de Tylman Susato

Canzon Duodecimi Toni de Giovanni Gabrieli

Canzon A 12 de Giovanni Gabrieli

Gaillard Battaglia de Samuel Scheidt

Canzon Noni Toni À 8 de Giovanni Gabrieli

Canzon Septimi Toni (Nº 2) de Giovanni Gabrieli

Canzon Per 8 Tromboni de Tiburtio Massaino

Fyer, Fyer! My Heart! de Thomas Morley

Sonata Pian’ E Forte de Giovanni Gabrieli

Canzon Septimi Toni (Nº 1) de Giovanni Gabrieli

Amor Vittorioso de Giovanni Gastoldi

Pavane Battaille de Tylman Susato

 

Director convidado

Alessandro Arnoldo, nado en Trento (Italia), realizou os seus estudos musicais e diplomouse en direción de orquestra no Conservatorio “Giuseppe Verdi” de Milán, baixo a guía de Daniele Agiman. realizou cursos de perfecionamento e masterclass con Riccardo Muti na Riccardo Muti Italian Opera Accademy, Gianluigi Gelmetti na Accademia Chigiana de Siena, Ernesto Palacio na Accademia do Rossini Opera Festival, dedicada ao Mestre Alberto Zedda. dirixiu numerosas orquestras prestixiosas, exhibíndose en Italia, Austria, Alemaña, Croacia, Lituania, Letonia, Bélxica e República Checa, xa sexan no ámbito de importantes festivais internacionais como eventos artísticos e culturais de alto nivel. A súa versión de Le Carnival des Animaux (O entroido dos animais) de Camille Saint-Saëns foi introducida no programa didáctico “C’è música per tutti” (Hai música para todos), libro de texto e DVD de Edizioni Scolastiche Mondadori, Pearson Italia. Dirixiu en repetidas ocasións a ópera de cámara a Histoire du Soldat (Historia do soldado), de Igor Stravinsky, na Sala Verdi do Conservatorio de Milán e no Nuovo Teatro Comunale de Pergine para a apertura da tempada 2015/16. colaborou e colabora con numerosas realidades musicais italianas, entre as cales cabo citar a Accademia de Teatro alla Scala de Milán, o Conservatorio “Giuseppe Verdi” de Milán, Akademie für Alte Musike de Brunico, RSI – Radiotelevisione della Svizzera Italiana, a Associazione Mozart Italia, o Festivale di Bellagio e do Lago di Como, o Festival di Musica Sacra di Trento e Bolzano, a Società Filarmonica di Trento e o Concentus Musicus Patavinus. Do 2014 ao 2016 foi director principal da Compagnia Lirica gli amici di Fritz, formada por mozos cantantes provenientes de toda Italia e de distintos países, levando a escena L’Amico Fritz de Pietro Mascagni (co patrocinio dos herdeiros do Mestre), A Cenerentola (A Cenicienta) e Il Barbiere di Siviglia (O Barbero de Sevilla) de Gioachino Rossini. É fundador e director artístico do Ensamble vocale ad Maiora e director principal da orquestra I Filarmonici de Trento. É ademais autor e co-presentador dunha transmisión radiofónica de inmersión cultural para a Radio Universitaria de Trento. É docente en diversos cursos de perfeccionamento musical, participa en distintos xurados de concursos e colabora desde fai anos con TEDxTrento, unha plataforma local de “ideas que merecen ser compartidas”, inspirada nas conferencias internacionais TED. Entre as súas últimas producións destacan a Petite Messe Solennelle, de Gioachino Rossini, a Misa de Requien de Giuseppe Verdi e a IX sinfonía de Ludwig van Beethoven. O crítico musical Giuseppe Calliari definiuno como “máis que unha promesa na dirección de orquesta”.

Colabora: MARCO

nkFNstddEYUHXD8HhnbIdNokvamQNX

Non perdas ningún concerto

Uso de cookies

Esta web utiliza cookies para mejorar su experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR