Notas de impresión: Un proxecto da OCV + EMAO

Notas de impresión

Esta semana colocamos nos MUPIs da cidade de Vigo os carteis do proxecto “Notas de impresión”, unha iniciativa d’A Clásica en colaboración coa EMAO.

Queríamos involucrar á Escola Municipal de Artes e Oficios de Vigo na programación que fai a orquestra. Vernos cos ollos de outros e compartir a diversidade e riqueza que se agocha na música sinfónica en directo.

Con esta fin, convidamos ás aulas de serigrafía artística, debuxo e pintura. A proposta lanzada ao alumnado era simple: queríamos que interpretasen libremente os concertos da nosa tempada a través das técnicas que aprenden e perfeccionan na escola nas tres disciplinas participantes.

O resultado desta colaboración foi unha demostración de diversidade, creatividade e paixón plasmada en 30 carteis distintos, obras únicas que serán expostas nas rúas de Vigo. Unha proposta multidisciplinar e colaborativa que busca exceder os límites da orquestra e da escola para encher de arte as rúas da nosa cidade, empregando como soporte os MUPIs, un espazo destinado á publicidade que se convertirá durante este tempo nunha galería de arte aberta ao público.

“Notas de impresión” configúrase como proxecto efémero froito do encontro que convida ao espectador a atoparse con estas pezas únicas nos distintos recunchos da cidade.


Abónate á tempada 2024.1

ABONOS TEMPADA 2024.1

Xa podes mercar os abonos para a tempada 20243.1 da Orquesta Clásica Vigo, que ofrecerá un total de 3 concertos no Teatro Afundación de Vigo nas seguintes datas:

  • 15 de febreiro no Auditorio do Teatro Afundación, Vigo
  • 16 de marzo no Auditorio do Teatro Afundación, Vigo
  • 20 de abril no Teatro Afundación, Vigo

Mercando o abono terás dereito a acceder aos 3 concertos de pago da Orquesta Clásica de Vigo nos concertos de febreiro, marzo e abril na localidade que desexes.

Este ano precisaremos máis que nunca da túa colaboración e presenza para poder seguir facendo música.

+ Máis info

+ Venta de abonos en ataquilla


O fío do clasicismo: 28 de outubro

O sábado 28 de outubro ofrecemos a segunda cita da tempada no Teatro Afundación de Vigo co solista Severino Ortiz Rey. O fío do Clasicismo é unha oportunidade para escoitar o concerto n.20 en re menor de W. A. Mozart posto en relación con obras de Beethoven e Gluck.

Entradas dende 5 € en ataquilla.com

O fío do Clasicismo: Gluck, Mozart e Beethoven · 28 de outubro ás 20:30h

Teatro Afundación de Vigo

 

O segundo dos concertos lévanos a un dos binomios máis importantes da historia da música, conformado entre Wolfgang Amadeus Mozart e Ludwig van Beethoven. Dous artistas que constitúen a bisagra entre o clasicismo e o romanticismo, cunha produción artística que se mostra en moitas ocasións engarzada. Por este motivo, o programa cabalga as obras en función das súas influencias para mostrar unha progresión estilística que tomará a obra de Mozart como centro.

A primeira das obras interpretadas será Abertura de Iphigenia in Aulide, de C. W. Gluck, unha obra composta polo artista que configura a estrutura da ópera alemá do clasicismo e cuxos pasos seguirán os compositores posteriores da súa contorna -Mozar e Beethoven entre eles-. O final que se interpretará desta obra foi composto por Mozart, mostrando novamente a vixencia e importancia desas conexións estilísticas.

Neste programa, Severino Ortíz Rey será o solista convidado para interpretar Concerto para piano Nº 20 en Re menor K466, de W. A. Mozart, o cal conta cunha cadencia escrita polo mozo pianista e admirador seu L.v. Beethoven.

Por último, o programa rematará coa interpretación da Sinfonía Nº 1, Op. 21, de L. v. Beethoven, unha interesantísima obra composta en 1800 e que segue os principios do clasicismo co seu indiscutible estilo persoal.

Programa:

Abertura de Iphigenia in Aulide, de C. W. Gluck (Final de Mozart)

Concerto para piano Nº 20 en Re menor K466, de W. A. Mozart (Cadencia de Beethoven)

  1. Allegro
  2. Romanza
  3. Rondó: Allegro assai

Sinfonía Nº 1, Op. 21, de L. v. Beethoven

  1. Adagio molto – Allegro con brio
  2. Andante cantabile con moto
  3. Minuetto. Allegro molto e vivace
  4. Adagio – Allegro molto e vivace

Solista: Severino Ortiz Rey

Dirixe: Manuel Martínez Álvarez-Nava

Entradas dende 5 € en ataquilla.com


Presentamos ao noso solista: Severino Ortiz

O sábado 28 de outubro teremos a honra de voltar a contar co pianista Severino Ortíz no escenario do Teatro Afundación de Vigo interpretando o Concerto para piano e orquestra n 20 en re menor K. 466 de W.A. Mozart. Un auténtico luxo e unha honra para a nosa orquestra.

ENTRADAS Á VENTA EN ATAQUILLA DENDE 5€

Hoxe queremos presentar ao noso solista:

SEVERINO MANUEL ORTIZ REY, piano

Nacido en Pontevedra, recibe a súa máis apreciada e valiosa formación pianística da profesora Vladimira Smausová.

Tras obter os títulos superiores de Piano e Música de cámara no Conservatorio Superior de Música de Vigo, completa a súa formación na Academia Superior de Música e Artes Escénicas de Praga (República Checa) coa profesora Dagmar Simonková e o profesor Frantisek Maly (1998-2000).

Como solista, colaborou coas orquestras "Vigo 430", "Clásica de Vigo" e "Filharmónica de Pontevedra", interpretando os concertos 3, 4 e 5 de Beethoven, o 1 de Chopin, o 1 de Liszt e o concerto para dous pianos de Poulenc.

Ofreceu diversos recitais, entre os que destacan: un programa coas paráfrasis de Verdi-Liszt, para "Amigos da Ópera" (Santiago e Vigo, 2013); as sonatas opus 2 de Beethoven, no ciclo de integral de sonatas de Beethoven da Universidade de Santiago (2017); e un programa con música de Falla e Albéniz, ofrecido no Conservatorio Arrigo Boito de Parma  en 2016, onde ademais, presentou unha conferencia titulada "O xesto do cante jondo en Albéniz e Falla".

Desde 2003 forma dúo estable co seu amigo, o tenor José Antonio Campo Edesa, con quen ofreceu recitais en diferentes cidades de España e estranxeiro. Destacan a súa participación no XXIII Festival Internacional de Voces de Altafulla (2010), a xira de Bolivia de 2009, organizada polo AECID, con motivo do Bicentenario do Berro Libertario e o recital polo ano Liszt en Ljubljiana (Eslovenia), organizado polas embaixadas de España e Hungría (2011).

Na súa faceta de músico de cámara, goza colaborando habitualmente co Ensemble Vigo 430 e tocando con solistas como Rusanda Panfili, Lir Vaginsky, Lea Hennino, Cristina Goicea e Sindy Mohamed. Non menos importante son os proxectos realizados co violinista Mario Peris e o clarinetista Roberto Noite, con quen difundiu música de compositores galegos actuais, como Jacobo Gaspar ou Octavio Vázquez, no contexto do programa Erasmus+ (Vilnius, Belgrado, Tirana, 2017-2019).

En 2018 foi convidado por ADEC a participar como pianista acompañante no VIII Congreso Nacional de Clarinete, celebrado en Torrent (Comunidade Valenciana). Recentemente, ofreceu o recital inaugural do IX Congreso ADEC xunto a Philippe Berrod e Sharon Kam (Vigo, 2022).

Foi profesor de piano no Conservatorio Profesional de Música de Lugo (2001-2004).

Ofreceu recitais e impartido clases de piano e música de cámara, a través do programa Erasmus, nos conservatorios de Parma, Verona, Palermo, Istambul, Bari, Vilnius, Belgrado, Lecce, Trento, Tirana, Almaty, Esmirna, Saraievo e Cetiña.

Actualmente e desde o ano 2004 é pianista acompañante no Conservatorio Superior de Música de Vigo.

ENTRADAS Á VENTA EN ATAQUILLA DENDE 5€


Abónate: Tempada 2023.2

Xa está dispoñible o abono para asistir aos tres concertos da tempada 2023.2.

Con el poderás asistir aos seguintes concertos:

MERCAR ABONO

Ventos do clasicismo: 28 de setembro ás 20:00h · Auditorio Municipal do Concello de Vigo

Sección de vento da Orquesta Clásica de Vigo / Dirixe Manuel Martínez Álvarez-Nava

O fío do clasicismo: 28 de outubro ás 20:30 · Teatro Afundación de Vigo

Solista: Severino Ortiz / Dirixe Manuel Martínez Álvarez-Nava

Concerto extraordinario de Nadal: 28 de decembro ás 20:30 · Teatro Afundación de Vigo

Solista: Abe Rábade / Dirixe Manuel Martínez Álvarez-Nava

MERCAR ABONO

Este ano, para facelo máis doado poderás acceder cunha única entrada, reservada dende o comezo da tempada na web de Ataquilla cos seguintes beneficios:

  • Mantés a butaca que desexes dende o comezo da tempada.
  • Non será preciso canxear ou formalizar a entrada, accederás aos concertos directamente co abono.
  • Terás un desconto nas localidades con respecto á entrada normal.
  • Apoiarás á Orquesta Clásica de Vigo nos seus proxectos.

Prezo do abono: 36€

MERCAR ABONO

Acompáñanos nesta nova tempada!


Probas de acceso 2023

A Orquesta Clásica de Vigo convoca para o sábado 26 de agosto probas de acceso para todos os instrumentos.

Esta xornada terá lugar na Escola de Municipal de Música de Vigo ás 17:00h e se requerirá a presentación dunha obra libre e dunha lectura a primeira vista.

Para a inscrición é preciso comunicar a asistencia a través do seguinte correo electrónico: xerencia@orquestaclasica.com

Teléfono de contacto: 604 09 39 19



Canto de emigración. Historia da música de Teódulo R. Páramos

A Clásica presenta a publicación 'Canto de emigración. Historia da música de Teódulo R. Páramos', unha investigación sobre a figura do compositor e os espazos de lecer en Vigo entre 1920 e 1950.

No acto participarán os autores do libro Manuel Martínez Torres, Pepe Coira, Alejo Amoedo e Marcos Amado “Santiso”

  • Martes 7 de marzo, ás 19:30h, na Biblioteca da Emao de Vigo.
  • Entrada libre

Agardámoste!


II Festival de órgano 8 Pés

Esta mañá presentamos a programación completa do festival "8 pés" coa presenza do director do festival, Manuel Martínez; Ana Laura Iglesias, deputada de Turismo e Xuventude da Deputación Pontevedra; e José Vidal, párroco da Concatedral de Santa María de Vigo.

“Para a Clásica é moi importante celebrar esta segunda edición dun festival tan insólito que busca achegar a complexidade e riqueza deste instrumento e o seu repertorio. Traemos a tres dos mellores organistas do Estado para levar o noso órgano aos seus límites artísticos”, destaca o director. “Quero agradecer á Clásica por alertar no seu día sobre a protección deste instrumento, único órgano da cidade e importante patrimonio artístico", sinalaba a deputada.

As entradas son gratuítas e xa están dispoñibles  bit.ly/entradas-8pes-2022

Lembra que o espazo é limitado, polo que se finalmente non asistes, podes devolvela para que outra persoa a adquira.


Bono Cultura

Conseguiches o teu bono cultural? Se é así, isto interésache!

Terás un desconto do 50% nas compras que realices ata esgotar o seu crédito (50 euros) e o prazo remata o 31 de decembro.

A Clásica está adherida polo que podes empregalo para mercar o abono para a temporada "Escoitas" e o Concerto de Nadal (cando saian as entradas). O abono sáeche a 32,5 euros (17,5 euros se es menor de 30 anos) e poderás gozar de cinco entradas.

‼️Importante: se decides empregalo coa Clásica, debes chamar ou enviar un whatsapp ao noso teléfono 604 06 39 19 para validar o bono (pois hai que escanealo coa aplicación).

Lembra que no formulario tes máis info sobre o abono. bit.ly/formulario-abono-aclasica_22-23


Tempada 22/23. Escoitas

A Clásica pon o foco nas “Escoitas” na súa nova tempada.

Hoxe presentamos no Concello de Vigo a programación 2022-2023, que ofrecerá distintas sonoridades a través de 5 concertos de outubro a maio.

O obxectivo da orquestra coa nova tempada é ofrecer cinco escoitas coas que reivindicar o teatro como punto de encontro necesario para que o público descubra a diferenza de escoitar unha interpretación en directo. Propoñemos unha viaxe por diferentes sonoridades. Desde “Elgar”, un concerto do sinfonismo do cambio do XIX e XX, pasando polo Concerto de Nadal que busca elevar a música tradicional á categoría de vangarda, polo minimalismo de “Glass”, a esencia galeguista dos anos 30 coa evocación do filme “Canto de emigración” de Pepe Coira e, finalmente, pola paixón e patetismo do concerto para piano de Chaikovski.

As entradas para o primeiro concerto "Elgar" (22 de outubro) xa están á venda: bit.ly/entradas-elgar

Tamén o abono para acceder a todos os concertos. bit.ly/formulario-abono-aclasica_22-23