clasica

Festival de órgano 8pés

Descarga aquí o folleto coa programación completa

Hoxe mércores 17 de novembro presentamos na Concatedral de Santa María de Vigo o Festival de órgano "8pés", unha aproximación ao instrumento desde a curiosidade para coñecer unha música misteriosa e única. Nela conxúgase a historia, a tradición e a modernidade, concentrada nun instrumento abraiante que pasa desapercibido nas igrexas polo seu carácter secundario. Así, o festival xorde como unha oportunidade para abrir o órgano á cidade, nunha programación diversa pensada para descubrir, gozar coa súa música e poñer en valor o noso patrimonio restaurado. O festival “8 pés” está financiado pola Deputación de Pontevedra e Turismo Rías Baixas e conta coa colaboración da Escola Municipal de Artes e Oficios (EMAO) e a Naviera Mar de Ons.

Reserva aquí as túas entradas

O festival desenvolverase na Concatedral de Vigo, na Escola Municipal de Artes e Oficios (EMAO) e na sede da Deputación de Pontevedra en Vigo. Todas as actividades serán de balde previa
retirada de convite na plataforma Enterticket a través desta ligazón e haberá un límite de 2 convites por operación co obxectivo de dar a posibilidade a un maior
número de persoas de conseguir a súa entrada, debido ás limitacións de capacidade dos espazos dos eventos.

by clasica

Concertos Malditos | Ciclo de outono 2021

Programa de man. 23 outubro

Como se se tratase dunha historia maldita, o ciclo co que despediremos o ano 2021 preséntase como un desexo. Como un chamamento á normalidade para voltar a reunirnos co público e facer música de verdade. O acontecido nestes meses é de sobra coñecido, dando paso a unha sucesión de incertidumes e silencios que nos levaron a reinventar os proxectos para poder sobrevivir e seguir compartinto a nosa arte cos públicos. Con todo, aquí seguimos, con eses "malditos concertos".

Na última metade do ano levaremos á escena aqueles proxectos que “non puideron ser”; eses concertos programados durante o ano 2020. Citas musicais nas que Berta Fresco interpretaría un 14 de marzo o Concerto para piano e orquestra en la menor, Op. 16 de Edward Grieg e Severino Ortiz o Concerto para piano e orquestra n. 4 en Sol maior, Op. 58, de Ludwig Van Beethoven no nadal de 2020.

Este ciclo busca poñer en valor o traballo das persoas que traballan coa música que, nun plano secundario, sufriron cancelacións, cambios de normativas e a imposibilidade de facernos chegar a súa arte. Esta é unha homenaxe a estes "malditos artistas" que, pese a todo, seguen loitando por compartir con nós a súa música.

Entradas en www.ataquilla.com

Descarga aquí o folleto da tempada

by clasica

Creaclasica 2021

DATA LÍMITE 29 de outubro. INSCRÍBETE AQUÍ

A Orquestra Clásica de Vigo convoca a 3ª edición de CreaClásica, un proxecto promovido en colaboración coa Fundación SGAE en Galicia, que aposta pola difusión e o recoñecemento de novos talentos da composición, e por incrementar o repertorio sinfónico galego contemporáneo.

Requisitos para participar

As persoas que presenten as súas composicións ao certame CreaClásica deberán er obra sinfónica publicada e non poderán exceder os cinco anos desde a súa titulación -entre 2017 e 2021- e deberán estar asociados á SGAE e censados en Galicia. Poderase presentar unha única obra inédita, cunha duración duración máxima e mínima estará comprendida entre os 10 e os 15 minutos. As solicitudes faranse a través de la web da Orquesta Clásica de Vigo, empleando o formulario de google para este fin e enviando os materiais a través de Wetransfer á conta crea@corquestaclasica.com, evitando en todo momento mostrar elementos nos que se poida identificar a autoría co fin de garantir o anonimato ante o xurado. As obras enviaranse nun arquivo comprimido que deberá conter, ademáis das partituras de orquestra e partes, unha gravación ou un midi. Como máximo podrá empregarse o seguinte orgánico: 2 trompas en fa, 2 trompeta en Do/Si b, 2 trombóns, 1 tuba, 4 timbais, 1 bombo de concerto, 1 vibráfono, 2 marimbas, 1 lira, 1 xilófono, 1 campanólogo. Outros elementos a maiores como pequena percusión ou electrónica serán facilitados polos participantes.

O prazo para presentar as candidaturas e os materiales estará aberto dende mañá 20 de agosto de 2021 ás 14:00h ata o día 29 de outubro ás 14:00h. O veredicto do xurado notificaráselle ás persoas gañadoras como data límite o mércores 11 de novembro e a decisión será inapelable. CreaClásica ten unha dotación económica de 500 para a obra gañadora, que será gravada e interpretada pola Orquestra Clásica de Vigo e difundida a través das súas canles dixitais.

Este concurso de composición pretende ofrecer unha plataforma para todas aquelas persoas que se dedican á composición en Galicia e que despois de abandonar os nosos conservatorios non dispoñen dun espazo para difundir e difundir as súas creacións.

Na pasada edición a obra premiada foi Juegos, de Alejandro Galansky López; e na primeira edición pre-pandemia, o certame outorgou tres premios: o primeiro premio recaeu una obra Tempestas de Ismael Amoedo; o segundo foi para o Preludio da noite sulagada de Carme Rodríguez e o terceiro para o Preludio e Fuga de María Veiga Lombardía.

Descarga:

INSCRÍBETE AQUÍ

FOLLETO CREACLASICA 2021

NORMAS ESTENDIDAS: CREACLASICA 2021

Colaborador principal:

by clasica

Oferta de emprego 2021

Dende o luns 19 de abril, a  Orquesta Clásica de Vigo convoca tres postos de emprego:

1. Auxiliar de administración: Experiencia entraballo con orquestra, xestión de equipos e xestión de subvencións.

2. Coordinador/a produción: Experiencia produción, xestión de material, coñecemento de material orquestral.

3. Tecnico/a especialista audiovisual: Xestión web, deseño, montaxe audiovisual e gravación audio/son.

A persoa candidata deberá ser responsable, ter implicación e iniciativa. Ser resolutivo e capacidades para a coordinación de grupos e traballo en equipo. Deberá ter coñecementos de música. Impresdindible galego.

Duración dos contratos: Ata o 31 de xullo de 2021

Recepción de candidaturas: Convocatoria aberta dende o 19 de abril de 2021 ata o 26 de abril de 2021.

Envío de CV e dúbidas: comunicacion@orquestaclasica.com

Preme aquí para acceder á convocatoria.

by clasica