Rememoramos os nosos comezos en "Un Concerto Clásico: Purcell, Vivaldi e Haydn"

O sábado 6 de abril viaxaremos ao universo de Purcell, Vivaldi e ao do primeiro Haydn cunha proposta orquestral clásica, a mesma dos nosos primeiros ensaios

 

Dende a Orquesta Clásica de Vigo xa estamos a preparar o segundo evento da temporada, Un Concerto Clásico: Purcell + Vivaldi + Haydn, no que regresaremos ás nosas orixes a través destes tres compositores.

david-garrido-oboe-orquesta-clasica-vigoA sesión, dirixida polo director artístico da formación, Manuel Martínez Álvarez-Nava, celebrarase o sábado 6 de abril no Auditorio do Concello de Vigo ás 20.30 horas e nela, a formación interpretará tres pezas que orbitan entre o barroco e o clasicismo musical.

O programa está composto por The Fairy Queen (Suite) (A raíña das Fadas), de Henry Purcell, Concerto para óboe en re menor; op. 8 n.º 9, de Antonio Vivaldi e Sinfonía n.º 45 en fa sostido menor, de Franz Joseph Haydn. Esta escolla está relacionada co primeiro concerto que ofrecemos hai 35 anos, no que puxemos o foco na obra de Purcell.

COMPRA AS ENTRADAS AQUÍ!

Trátase dun concerto no que prima a delicadeza sonora, con especial protagonismo da sección de corda e no que destacan instrumentos como o clavecín e o óboe. Este último é o escollido para a pasaxe solista, algo moi pouco habitual nun escenario, e que executará David Garrido Caneiro.

En conxunto, este evento toma como referencia o primeiro concerto da Orquesta Clásica de Vigo, no ano no que cumprimos o noso 35 aniversario, co obxectivo de seguir avanzando cara a consecución de novos proxectos e iniciativas singulares que consoliden a visión aperturista da agrupación en torno á música.

Nova cita en maio

A seguinte proposta, da que xa podedes adquirir as entradas, será o sábado 4 maio no Teatro Afundación. Nesta ocasión, dende A Clásica regresaremos ao século XX con Ás dúas beiras: Poulenc + Gershwin, un concerto melódico no que se presentará a obra de dous compositores que desenvolveron o seu traballo con carácter paralelo en París e Nova York.


concierto ravel y vaughan williams

Celebramos o noso 35 aniversario con seis concertos singulares

Inauguramos a temporada o 7 de marzo conmemorando o noso nacemento con obras de Ravel e Vaughan Williams: adquire a túa entrada aquí ou faite co abono de concertos

Dende a Orquesta Clásica de Vigo conmemoramos este ano o noso 35 aniversario con seis concertos singulares, que pretenden ofrecer unha visión ecléctica e contemporánea da música sinfónica.

programa concertos orquesta clásica de vigo 2019

A nosa proposta para esta temporada comezará o vindeiro 7 de marzo cun concerto en torno a dous grandes compositores coetáneos, Maurice Ravel e Vaughan Williams. Esta cita, que terá lugar no Teatro Afundación ás 20.30 horas, estará dedicada a un dos compoñentes da Orquesta Clásica de Vigo, compañeiro e amigo, que faleceu recentemente.

A seguinte sesión celebrarase o 6 de abril no Auditorio Municipal do Concello de Vigo, cunha viaxe musical ao universo de Purcell, Vivaldi e ao do primeiro Haydn. En maio, a formación presentará a obra de dous compositores coevos, Francis Poulenc e George Gershwin, no Teatro Afundación. Beethoven e Mendelssohn serán os protagonistas do concerto do 12 de outubro no Teatro Afundación, onde se interpretarán as conexións entre a música sinfónica de ambos autores.

Na programación tamén haberá espazo para un proxecto que conxugará electrónica, audiovisual e música clásica denominado Práctica Electroclásica, que se poderá ver no MARCO o 16 de novembro. A temporada pecharase o 28 de decembro no Teatro Afundación co tradicional Concerto Extraordinario de Nadal, no que se combinará música de Sibelius coa banda sonora de Harry Potter, composta por John Williams.

Todos as propostas do ano no que se cumpre o 35 aniversario da Orquesta Clásica de Vigo están fiados entre si, agrupados por contrastes e artistas complementarios, nunha programación que busca conectar obras de distintas épocas e estilos para xerar lecturas únicas no público grazas á confrontación das diversas creacións.


metodo-tonic-sol-fa-john-curwen

Nova tempada, nova imaxe

Volvemos facelo. Retomando o proxecto que iniciamos o pasado ano, neste 2019 reformulamos a identidade gráfica da Orquesta Clásica de Vigo no noso empeño por achegarvos a música clásica dende unha perspectiva contemporánea, afastada das tradicionais etiquetas que se asocian a este xénero.

nueva-imagen-orquesta-clasica-vigoSe en 2018 nos inspirábamos nos experimentos acústicos de Chladni para a redeseñar a nosa nova imaxe, este ano tomamos como referencia o método Tonic sol-fa, desenvolvido polo reverendo inglés John Curwen en 1841, tomando como referencia o modelo realizado por Sarah Anna Glover uns anos antes.

Este sistema de aprendizaxe de lectura musical baseábase na representación de notas mediante signos realizados coas mans, que se situaban a diferentes alturas para marcar a entoación, subindo dende a cintura ata a cabeza a medida que aumentaban os tons.

Este recurso resultaba de gran axuda para ensinar ao alumnado de canto que carecía de experiencia, xa que lle permitía representar as notas na súa mente antes de entoalas.

Vínculo de cor

Nun intento de aproximar a proposta de 2018 á de 2019, decidimos tomar a paleta de cor inspirada nas cerámicas tradicionais galegas -empregada o pasado ano- e confrontala coa súa cor complementaria. Isto outórgalle un inusitado impacto visual, converténdose nun suxeito dinamizador dunha imaxe xa de por si versátil.


Identidade gráfica 2018

Tras a actual identidade gráfica da Clásica late a intención primeira de poñer o son en imáxes. As formas xeométricas que constitúen o eixo central do proxecto están baseadas nos experimentos acústicos de Chladni, levados a cabo durante o século XVIII: sobre unha fina lámina metálica esparcíase unha substancia granulada que o son facía vibrar; a propagación mecánica das ondas daba lugar á formación de caprichosos debuxos sobre estas pracas.

As figuras de Chladni constituiron, pois, o punto de partida dun proxecto en cuxo desenvolvemento ten resultado clave unha caprichosa, pero, unha vez descuberta, case incuestionable asociación: durante a vectorización das figuras, a afinidade estética coas cerámicas de Sargadelos impúxosenos como unha realidade categórica. De aquí que, tanto por deleite visual como por proximidade xeográfica e afectiva, decantáramosnos por invertir as figuras de Chladni e aplicarlles unha paleta de color inspirada nas cerámicas tradicionais galegas.

Carmen Itamad Cremades Romero


Abonos 2018

Abono 2018

Para este ano 2018 dende a Orquesta Clásica de Vigo poñemos á vosa disposición un abono para asistir a todos os concertos. Este abono consiste nunha tarxeta canxeable por unha entrada numerada en calquera das localidades para cada unha das datas programadas.

Este abono ten un prezo xeral de 75€ e unha opción reducida para menores de 30 anos (inclusive) cun custo de 35€.

Para solicitalo é preciso encher este formulario e abonar o importe.

Con este abono queremos que veñades a todos os concertos e que vos convirtades nunha peza fundamental para a Orquesta Clásica de Vigo.

Para calquera dúbida contacta con abonados@orquestaclasica.com

Condicións:

1. Os abonados da Orquesta Clásica de Vigo teñen dereito ao acceso de todos os concertos.
2. A Orquesta Clásica de Vigo proporcionará un Abono para canxear polas entradas de cada un dos sete concertos de pagamento do ano 2018.
3. Entregarase un título por compra, identificando ao posuidor como abonado da Orquesta Clásica de Vigo ata o 31/12/2018
4. Este título é persoal pero pode ser transferido para retirar as entradas de cada un dos concertos aos que, como membro, ten acceso.
5. Este abono non será reposto en caso de pérdida, roubo etc.
6. Este cartón poderá ser remplazado por outro en caso de rotura contactando cos responsables da Orquesta Clásica de Vigo e aportando sempre o orixinal para a súa destrucción.
7. É imprescindible o pagamento da cuota seleccionada na conta: IBAN: ES87 2080 5000 6130 4023 9616 (ABANCA)
8. Presentando este abono na taquilla do teatro correspondente ao concerto ou con antelación na sede de Afundación en Vigo (Rúa Policarpo Sanz, 24-26 en horario de luns a venres de 9:00-20:00) o posiudor terá dereito a obter unha única entrada para cada un dos sete concertos de pagamento que se celebrarán no ano 2018, na butaca que o usuario considere.
8. O abono non garantiza o acceso aos concertos: É preciso canxealo nos puntos que habilita Ataquilla por unha entrada numerada coa antelación que o usuario considere.
9. A Orquesta Clásica de Vigo non será responsable en ningún caso no suposto de que as entradas estean esgotadas chegado o momento no que o usuario intente canxear o seu cartón. O posuidor do cartón é responsable en todo momento de xestionar as súas localidades.
10. En caso de presentar un cartón manipulado ou alterado, este será retirado polos membros de Ataquilla.

 


En feminino

O primeiro dos bloques de tres concertos recibe o título de “Outras voces” e ten como obxectivo ofrecer unha lectura diferente, con puntos de vista actuais sobre a música clásica. Neste programa non podemos pasar por alto a figura e o traballo silenciado das mulleres na música clásica, en concreto a acción das compositoras e intérpretes  na música sinfónica. É na música onde este silencio existe dun xeito máis notable e inexplicable, sobre todo se o comparamos coa situación das mulleres con respecto ao resto das artes.

Buscamos con este concertos reivindicar os traballos e as figuras silenciadas, poñéndoas en valor en dous concertos cuxa programación está integramente  adicado a compositoras de distintos estilos. Ademais pretendemos complementar este traballo con dúas charlas en colaboración coa Unidade de Igualdade da Universidade de Vigo e Instituto Camões en torno á muller na música sinfónica. A primeira será o 4 de abril e estará centrada nos século XIX e XX. A segunda será o 3 de maio e aborará os séculos XVII e XVIII, estendendo así este traballo de visibilización fóra do teatro e complementándoo cunha tarefa de divulgación realizada por dúas musicólogas.

Na primeira das datas programadas interpretaremos o concerto de violín de Grazyna Bacewicz, que presenta unha calidade innegable, tanto dende o punto de vista musical como técnico. Obras sinfónicas que a situarían entre as figuras máis destacadas do seu momento. A realidade, para a nosa sorpresa e reflexión, é que é unha artista descoñecida. O mesmo ocorre no caso de Mariana Von Martínez -Mari Anna Martínez ou Marianna Martines, segundo se atope en distintas edicións-, unha compostora do clasicismo na Viena de Haydn, sendo, de feito, discípula deste compostor. De ascendencia española, esta muller ofrece obra de gran calidade formal, na liña das composicións do seu momento e estilo. A realidade que nos atopamos é que esta compositora que se enfronta á música sinfónica é outra descoñecida. Nun caso distinto atópase a obra da francesa Cécile Chaminade, unha frautista e compostora que ten un concerto dos máis coñecidos e interpretados para este instrumento.

Descoñecemento, desinterese e deixadéz á hora programar son as principais hipóteses para que artistas como as seleccionadas para estes concertos non estean na primeira liña nos programas das orquestras profesionais. Por iso entendemos que é unha labor fundamental facer este traballo de posta en valor e divulgación dende organizacións como a nosa orquestra.


Programación 2018

Para este ano 2018, a Orquesta Clásica de Vigo presenta unha programación de oito concertos sinfónicos divididos en dous bloques que buscan chegar a distintos segmentos de públicos. Con eles queremos ofrecer unha programación ecléctica, variada e actual da música clásica coa que agardamos sorprender e ilusionar. 

Descarga o Programa 2018


Resonancias 2017

RESONANCIAS 2017

Resonancias é un ciclo de seis pequenos concertos que busca fomentar a escoita activa da música en locais da cidade dun xeito cercano e cotiá. Os concertos serán no Galería Jazz os primeiros vernes de cada mes e no De catro a catro os primeiros sábados do mes.

  1. Abril | Cuarteto Scordatura | Contemporáneo

Programa: Oblivion de Piazzolla e Cuarteto americano de Dvorak

Datas: V7: Galería jazz 21:00 S8: De catro a catro 20:00

  1. Maio |  Aires Gallegos | Cámara

Programa: Chacona de Bach para violín, Sonata en mi m de mozart para violín e piano, momentos musicais de Rajmáninov 3 e 4, Schubert/Liszt Margarida na roca.

Datas: V5: Galería jazz 21:00 S6: De catro a catro  20:00

  1. Xuño | Trío Auriensis | Cámara

Programa: Sonata no 5, opus 24, “Frühlingssonate”, para violín y piano, L. van Beethoven, “Larghetto” para trompa y piano, E. Chabrier, Trío opus 40 para violín, trompa y piano, J. Brahms.

Datas: V2: Galería jazz 21:00 S3: De catro a catro 20:00

  1. Setembro | chant grenouille | Jazz

Programa: Música original e standards baseados no jazz manouche de Django Reinhardt e Stephane Grappelli.

Datas: V1: Galería jazz 21:00 S2: De catro a catro 20:00

  1. Outubro | Trío Etéreo | Composición

Programa: Mundos Paralelos

Datas: V6: Galería jazz 21:00 S7: De catro a catro 20:00

  1. Novembro | I Colori dell'armonia | Música Barroca

Programa: Telemann session

Datas: V3: Galería Jazz 21:00 S4: De catro a catro 20:00


Múltiples orquestras

A Orquestra Clásica de Vigo arranca este ano cunha programación ambiciosa, aberta e plural. Unha programación destinada a diversos públicos aos que queremos sorprender e ilusionar con músicas de múltiples estilos que conflúen na mesma formación.

Existen moitas orquestras na Clásica.