O sábado 2 teremos a oportunidade de volver a vivir en directo a evocación de Canto de emigración (1934), o vangardista filme do ourensán Toni Román con músuica do tudense Teódulo R. Páramos. Unha obra perdida do patrimonio cinematográfico galego perdido durante a Guerra Civil e recuperada grazas a aparición do manuscrito orixinal da partitura que contiña a banda sonora. Foi o traballo de Pepe Coira, investigando as pegadas que quedaron do filme e unificando estes vestixios, xunto co traballo de Manuel Marínez Álvarez-Nava editando a partitura, os que permitiron que hoxe podamos gozar do que puido ser esta obra.

Neste concerto a formación será a do sexteto de café, a formación máis próxima e fiel ao documento orixinal.

+VÍDEO 

+ENTRADAS