VENTOS DO CLASICISMO: HAYDN, BEETHOVEN, SCHUBERT E STRAUSS
O xoves 28 de setembro non te podes perder a primeira cita coa clásica. Será no Auditorio Municipal do Concello de Vigo e estades convidados a compartir un concerto especial para música de ventos que nos levará do clasicismo ao romanticismo, nun percorrido para entender a evolución e importancia desta sección da orquestra.
Esta tempada quere poñer o foco no clasicismo cunha ollada amplia para construír presente. Unha volta e as súas ideas esenciais, reflexionando sobre as distintas correntes e autores con obras que exceden os seus límites e chegan aos nosos días. A importancia do vento na orquestra é indiscutible, e neste concerto queremos traballar o seu papel desta sección partindo dos modelos vixentes no clasicismo para chegar con eles ao romanticismo, seguindo as canles que conforman as influencias entre artistas. O programa enténdese como unha mirada curiosa para coñecer as orixes e traballar a forma. Pos este motivo partirá da impor- tancia da obra de Haydn, con arranxos propios, para chegar ao Beethoven que sentará as bases para música de vento que coñecemos hoxe. A través da súa ollada chegaremos á escoita dos románticos Schubert e Strauss, con obras cuxas reminis- cencias chegan ao noso mundo. Este concerto busca mostrar a diversidade e riqueza sonora da sección de vento da Orquesta Clásica de Vigo, cun progra- ma centrado nos séculos XVIII e XIX que racha co concepto barroco da orquestra, completa o octeto e abre o camiño ás orquestras de gran formato que coñecemos. Escoitemos as súas orixes.
PROGRAMA
— Rondino en mi bemol maior, WoO. 25, de L. V. Beethoven
— Serenade en mi bemol maior, op. 7, de R. Strauss
— Sinfonía n.o 91 en mi bemol maior, de F. J. Haydn I. Largo – Allegro assai
II. Andante
III. Menuet – Trio
IV. Finale: Vivace
— Tres minuetos para ventos D. 2d, de F. P. Schubert
SECCIÓN DE VENTO DA ORQUESTA CLÁSICA DE VIGO
DIRIXE: MANUEL MARTÍNEZ ÁLVAREZ-NAVA
+ PUBLICACIÓNS NA NOSA WEB:
30 Novembro 2023
Abe Rábade: Presentamos ao noso solista
14 Novembro 2023
Festival 8pés 2023: Descarga o programa dos concertos
8 Novembro 2023
Presentamos a Enrique Martín-Laguna
8 Novembro 2023
Presentamos a Roberto Fresco
8 Novembro 2023
Presentamos a Carlos J. Fernández Bollo
8 Novembro 2023