Un Camiño ben temperado. Música para arpa no mundo hispano. Séculos XVI ao XVIII

O ciclo “Un Camiño ben temperado” comeza en Redondela cun concerto único da man dun artista galego de prestixio internacional: o arpista Manuel Vilas.

Ofrecerá un recital para arpa barroca de dúas ordes, un instrumento netamente hispano que tivo un período de esplendor nos séculos XVII e XVIII nos contextos sacro e profano. Será un concerto para descubrir este instrumento, tan fascinante como descoñecido, a través dun repertorio barroco español.

Sábado 3 de setembro, ás 21h, na Igrexa de Santiago de Redondela. Entrada libre ata completar capacidade.

Proxecto beneficiario do programa OteuXacobeo da Xunta de Galicia