Mosteiro de Oia | 6, 7, 8 e 9 de setembro

Os días 6, 7, 8 e 9 de setembro terá lugar a primeira edición da residencia artística de interpretación historicamente informada, que terá como escenario o complexo cisterciense de Oia, que albergará nas súas numerosas estancias un proxecto de creación e reflexión arredor desta corrente artística. Neste proxecto convidamos a profesionais da agrupación de danzas históricas Portingaloise - Associaión Cultural e Artística, e estudantes do Ginasiano Escola de Danza do Porto, a Escola Artística de Música do Conservatorio Nacional - EAMCN - de Lisboa e ao alumnado e profesorado do departamento de música antiga do Conservatorio Profesional de Música de Ourense coa premisa de xerar unha serie de propostas inéditas, froito do encontro entre artistas, patrimonio, música e danza. Estas agrupacións traballarán no terreo para tecer unha programación creativa e viva, explorando e perdéndose nos distintos recunchos do Real Mosteiro de Oia. Esta residencia é un proxecto aberto guiado polos criterios de investigación, arte de proceso e site specific.

Reserva os convites a través de enterticket.