O sábado 11 de agosto, á posta de sol, a Orquesta Clásica de Vigo ofrecerá un concerto moi especial dentro do programa de Festas do Concello de Vigo.
Aproveitando a noite das Perseidas, que se produce o 11 de agosto, a Orquesta Clásica de Vigo quere subir ao monte do Castro, un lugar pouco iluminado no centro xeográfico da cidade, e interpretar pola noite a impresionante obra de Gustav Holst; “Os Planetas”.
O Sábado 11 de agosto estades convidados a compartir con nós esta impresionante obra sinfónica nun marco único.
Lugar: Monte do Castro, na esplanada do monumento aos galeons.
(Paseo de Rosalía de Castro, 1)
Hora: 21:30
Entrada: Libre e de balde
Organiza: Concello de Vigo