Obradoiros de verán da clásica · Xullo 2024
III Campamento de creación musical e sonora
O verán é o momento óptimo para complementar a formación con ideas novas a través do xogo. Por iso, dende A Clásica queremos aproveitar o mes de xullo para explorar a orquestra e a música dende unha visión aberta, actual e creativa.
Neste verán ofreceremos a terceira edición dos campamentos da Clásica, un proxecto que presentará un ano máis a orquestra como concepto creativo e transversal: unha ferramenta xenial para descubrir músicas novas e espertar a curiosidade.
Durante as dúas quincenas do mes de xullo realizaremos un percorrido guiado pola música do último século, coñecendo abraiantes propostas e poñéndoas en práctica para comprendelas.
Cada semana traballaremos con dous artistas singurales importantes para entender a música actual, polo que será posible asistir todo o mes de xullo sen repetir.
O programa busca ofrecer aos rapaces e rapazas unha base para explorar a música con liberdade, vista dende diferentes perspectivas artísticas, estimulando a curiosidade con obras novidosas para eles e elas.
As actividades
Nesta edición dos obradoiros de verán da clásica exploraremos músicas distintas dende o xogo e a práctica artística en grupo. Guiados por artistas, abordaremos repertorios que espertarán a curiosidade pola música e a creatividade.
- Actividades musicais en grupo
- Escoita e coñecemento de novos repertorios
- Obradoiros formativos con artistas
- Visitas a espazos singulares relacionados coa música
Información básica
Durante este campamento abordaremos repertorio musical do último século, experimentando coa obra de artistas fundamentais a través da práctica con artistas convidados. As actividades están orientadas a rapaces e rapazas interesadas na música, preferiblemente con formación musical, pero non se empregarán instrumentos tradicionais, polo que non será excluinte.
Idades
de 10 a 14 anos
Prazas ofertadas
20
Datas
1-12 de xullo
15-26 de xullo
Horarios
de luns a venres de 10:00h a 14:00h.
Prezos
Semana 90€
Quincena: 160€
Tres semanas: 220€
Catro semanas: 300€
Servizo madruga opcional
Axuda á conciliación adiantando a hora de entrada ás 9:00h
(custe non incluido no prezo)
Destinatarios/as
Esta proposta musical está destinada a rapazas e rapaces interesados na música, preferiblemente con formación musical. Non se empregarán instrumentos tradicionais nestas actividades grupais.
Flexibilidade
Existe a posibilidade de asistir unha semana, dúas, tres ou todo o mes pois non se repiten os contidos
Reserva a túa praza a través do formulario.
Podes consultar as dúbida no teléfono 604063919.