O venres 21 de xuño interpretaremos o Concerto para guitarra e orquestra Nº 1, Op. 30, do compositor italiano Mauro Giuliani (1781-1829). Neste concerto dio Día Europeo da Música 2024 contaremos co guitarrista Agustín Lage Domínguez como solista coa Orquesta Clásica de Vigo. Será na Concatedral de Stª Mª de Vigo con entrada de balde previa reserva ata completar a capacidade.

Descarga aquí o programa

Reserva aquí as entradas

 

Agustín Lage Domínguez, guitarra

Nace en Santa Cruz de Tenerife en 1979 e en 1996 traslada a súa residencia a Ponteareas, onde estuda no Conservatorio Profesional de Música Reveriano Soutullo de Ponteareas finalizando os seus estudos no ano 2001. Ese mesmo ano finaliza Maxisterio Musical na Facultade de Ciencias da Educación en Pontevedra e comeza o Grao Superior no Conservatorio Superior de Música de Vigo onde estuda con Margarita Escarpa e Tomás Camacho. Realizou diferentes cursos de perfeccionamento con recoñecidos guitarristas como: Marco Socías, Ricardo Gallén, Miguel Trápaga, Carles Trepat, Gerardo Arriaga, José Luís Rodrigo, Alex Garrobé, Carmen Ros, Deixan Ivanovic, Javier Riva, Marco Smaili, Fernando Espí, Javier Somoza, Eulogio Albalat, Eduardo Baranzano, Ricardo Barceló, Ana Jenaro ou Paolo Pegoraro. 

Foi galardoado en varios concursos: Primeiro Premio no “II Concurso Internacional de Guitarra Concello de Gondomar”, primeiro premio no concurso de guitarra do “III Estágio Internacional de Orquestra dá Regiao de Leiría/Fátima”, premio “Andrés Segovia – José Miguel Ruiz Morais” de Música en Compostela, terceiro premio no “Certame de Guitarra Cesar Aira de Cacabelos”, mención de honra “XIV Concurso Internacional de Guitarra de Zarautz” e accesit no “III Festival Internacional de Guitarra Clásica Guitarmania”.