O Ensemble Allenttamento dará inicio á terceira edición do ciclo de música antiga de Oia cunha proposta que recupera os traballos de oposición da Real Capela (1760-1819), obras nas que o intérprete contaba con só apenas 4 minutos para demostrar a súa preicia. Este traballo conxuga a interpretación coa recuperación dun patrimonio ideado para non ser escoitado en público.

Entrebescant ofrecerá un percorrido pola música relixiosa que celebra a riqueza da música sacra medieval da Península Ibérica. Obras conservadas en volumes como o Códice das Huelgas, o Llibre Vermell de Montserrat ou as Cantigas de Santa María, mostrando como a música servía como unha profunda expresión da fe e da devoción na Península Ibérica.

Pilar Almalé presenta o seu traballo Golondrinas, un proxecto que combina a interpretación da viola da gamba coa voz, celebrando a vixencia da música antiga así como as súas posibilidades para a creación actual. Unha proposta íntima e persoal que percorre os repertorios medievais e renacentistas para chegar á canción do século XX.

Catro Quince é un proxecto musical conformado polo violinista Roberto Santamarina, Alejandra Escolante co órgano e a espinete e Tin Novio, coa guitarra e tiorba que aborda a forma sonata, en concreto as dedicadas ao rosario. 

Thiago Vaz e Pedro Martíns abordan o repertorio da canción barroca en inglaterra.  Obras profanas de distintos artistas conectadas porun mesmo fio conductor, á canción de amor.

O peche deste ciclo chegará da man da agrupación I Colori dell’Armonia e a sección de corda da Orquesta Clásica de Vigo, que abordarán a práctica da interpretación históricamente informada.

O outra aspecto do ciclo Un camiño ben temperado é a formación e a exploración de novos repertorios. En 2024 a sección de corda da Orquesta Clásica de Vigo participará nun curso de interpretación históricamente informada impartida por Andoni Conde e Mariña Bouso, artistas que conforman a agrupación I Colori dell’Armonia. O rersultado deste curso será o concerto de claursa desta terceira edición do ciclo en Oia.

O programa, conformado por obras de Vivaldi, Avodano e Haendel, mostrará unha ponte estilística entre as correntes internacionais e a actividade musical propia da península ibérica. Ademáis contaremos cos solistas Andoni Conde, Mariña Bouso, António Vidal e David Garrido, incidiendo nese intercambio cultural constante entre Galicia e o norte de Portugal.

Un camiño ben temperado é tamén unha oportunidade para explorar o patrimonio. Nesta ocasión ofreceremos visitas guiadas á igrexa parroquial do Mosteiro de Oia, así como un obradoiro de danzas antigas impartido pola agupación Portingaloise.

Este obradoiro organizado pola agrupación Portingaloise está destinado a abordar o repertorio da danza europea dos séculos XV a XVIII, veiculada polo contacto coas fontes primarias. Destínase a públicos de distintos grupos de idade e con distintos niveis de aptitude e experiencia en danza, en concreto as Country Dances inglesas, onde se probarán outros códigos de movemento, contextualizando a práctica da danza nas cortes da Europa barroca.

A Igrexa parroquial do mosteiro de Oia foi restaurada recentemente e o seu párroco, Don Daniel Goberna, ofreceranos unha visita guiada ao templo para coñecer os distintos espazos e fases construtivas, poñendo en valor a importancia a relación entre os espazos e a función da e práctica música litúrxica.

O Mosteiro de Oia está estreitamente ligado á produción de viño do Rosal e o Albariño grazas ao traballo dos monxes. Nesta edición do camiño ben temperado queremos convidar á Adega Pateira, un proxecto familiar de perquena produción que aposta polo viño de autor no Rosal. Entre os concertos do vernes e o sábado teremos a oportunidade de probar o seu catálogo de viños.

+Máis info

A Orquestra Clásica de Vigo, decana de Galicia, é unha formación de música clásica que aposta pola innovación, os novos formatos e o traballo entre disciplinas, espazos e estilos.Nos 40 anos de historia da entidade, as obras interpretadas superan as 500, sendo isto un exemplo de aposta pola diversidade na música. Nos últimos anos realizou propostas de danza, cinema en directo, bandas sonoras, propostas actuais e obras consagradas. Polos seus atrís pasaron máis de 800 instrumentistas de toda Galicia, con máis de 160 solistas. A Orquestra Clásica de Vigo non entende de estilos ou etiquetas na súa programación, que se entende como unha oportunidade para explorar a riqueza do patrimonio musical e atraer a públicos distintos aos da música clásica tradicional.